falalalala .... lala .. lah laaa

Djöfull dýrka ég það að fara í búðir sextíu dögum fyrir jól og þá þegar er Klukknahljóm farið að klingja í hátalarakerfinu og grænar greinar uppi með öllum veggjum. Svona á að gera þetta!

Hagkaup og Rúmfatalagerinn hafa nú yfirleitt vinninginn, en IKEA og aðrar verslanir koma sterkar inn, Húsasmiðjan/Blómaval þar á meðal. Þetta er alvöru andi og geng ég trallandi með innkaupakörfuna eins og hreindýr á jólanótt með allt nema rauða nefið. Það væri nú kannski hægt að kaupa sér rauðan túss og redda því, en það er seinna tíma vandamál. (Segi ég, "vandamál" fyrirfinnast ekki í þessum heimi, einungis umhugsunarefni sem taka mislangann tíma)

Skyldi ég hvetja fleiri verslanakeðjur til þess að taka upp slíkan hátíðarsið og bera boðskapinn að vitum okkar landsmanna og jafnvel fyrr, október eða kannski september!! Það er aldrei of snemmt fyrir gleði Litla Jólabúðin á Laugaveginum stendur alltaf fyrir sínu. Ég kíkti þangað í júní og boðaði mikinn fögnuð. Betra að vera snemma í jólaskrautinu. Nú skulu seríurnar upp og húsið klætt gleðilitum frá grunni til þakbríkur.

Knúsið jólin í júní!

Athugasemdir

[Heimir Tómasson, 11.11.2008 kl. 02:43]

Svo er náttúrulega best að sleppa því algerlega að taka þetta seríudót niður yfirhöfuð. Það er fátt eitt huggulegra en að sitja úti í norðangarranum uppúr miðjum júlí og heyra seríurnar slást taktfast við mæninn. Eitthvað svo kósý.

[Rósa reiða (IP-tala skráð) 11.11.2008 kl. 11:40]

Hey Geiri....því þú ert svo glaður þá er ég ekki lengur reið!  Ég knúsa Geira Glaða!

kv.

Rósa, sem eitt sinn var reið